25 جويلية بالنسبة ليا خلاني نعرف ناس محلاهم و نعمل أصدقاء جدد ما كنتش انجم نعملهم في ظروف مختلفة ، و نلقى ناس زادا ما كنتش نتصور انهم ياقفوا معايا و يخافوا عليا و يحبوني  بالدرجة هذي ... ناس تبدا انت ظلمتهم لانك كانت عندك فكرة غالطة و كنت انت تعتقد انك تمتلك الحقيقة و تقسى عليهم برشا و لكن بمجرد تقلو غلطت فيك سامحني ، يقلك نحن اولاد اليوم و ترى في عينيه المعزة و الفرحة ... ناس ما كنتش انجم نعرف انهم هوما بالرجلة و المبادئ اللي هوما عليها ... ناس مهما كنت غلطت فيهم يحلولك ذراعاتهم و يقولولك راهو اللي يجمعنا اكثر من اللي يفرقنا مهما كانت الاختلافات رغم انكم مختلفين حد التناقض.  

ومع ذلك، اكتشفت ان فمه ناس كنت تعتقد انهم يشبهولك أكبر كذابين و منافقين و مخادعين و الدورة عندهم في قفلة الصباط .. يعتقدوا انهم الاذكى و انهم يخدموا بيك في حين انك انت تمشي بمبدأ وقتها خاطر تعتقد ان اللي تعمل فيه هو الصحيح لانك تربيت تمشي دغري... تكتشف ان كل الشعارات الجميلة تخفي وراها عجز و فشل يتحول لحقد على كل ما هو ناجح و مختلف .. ناس عكس ما تدعي من شعارات و قيم أكبر شوفينيين و مهما ادعاوا الحداثة هوما اكبر متطرفين و بمجرد تخالفهم في الراي يشوهوك اكثر من عدوك اللي يصارعك بشرف.. هوما ابشع في الواقع من الناس اللي يسبوا فيهم .. كل ما يحركهم هو  البغض لان لو كانت المواقع مختلفة "الاصدقاء" يعملوا اكثر لانهم مستعدين يتاجروا بكل شي و وصلوا تاجروا حتى بالدم و كذبوا و زيفوا و خباوا حقائق و الادلة موجودة و هوما يعرفوا هذا جيدا لكنهم ينكروا  .. و قداش كمية الخذلان كانت كبيرة وقت تكتشف الكذب و السمسرة بالشعارات و بالدم . 

يمكن الاخر المختلف فشل في التعبير على حقيقته لكنه واضح باختلافه عنك و لا يتجمّل ، لكن الشبيه فشل انه يكون مبدئي و فشل انه يكون honnête و فشل انه يكون صادق. 

هذا 25 جويلية اش خلاني نكتشف ... محلاكم  اصدقائي الافتراضيين اللي جمعني بيكم رفض الانقلاب على اختلافنا و محلاكم اصدقائي اللي عرفتكم في الدنيا و ظهرتوا أرجل مما اتوقع .. فرحانة بيكم.

بالمناسبة اللي يرى روحو مستهدف سلبيا من البوست هذا او يتقلق فانه من النوع الثاني غلى الاغلب و ينجم  يغادر الحساب و القلب داعيلو